|
Euskaraldiaren laugarren edizioak lehen urratsa emango du gaur bertan. Izan ere, hurrengo ariketaren data jakinaraziko dugu prentsaurrean.
|
Zuok guztiok jada dakizuen bezala, 2025eko udaberrian izango da hurrengo ariketa, zehazki, maiatzaren 15etik 25era bitartean.
|
Eta orain, horren berri gizarte osoari emateko garaia iritsi da!
|
Data berria gizarteratzea da, beraz, gaurko prentsaurreko honen helburu nagusia, eta Euskaraldiaren parte zareten guztioi ere horren berri eman nahi genizuen.
|
Hedabideek egingo duten zabalkundeaz gain, Euskaraldiko sareetatik ere hori iragartzen duten irudiak, bideoak eta albisteak zabalduko ditugu. Material hori guztia zuen esku ere jartzeko probesten dugu mezu hau, eta zuen sareetan zabaltzeko eskaera luzatzen dizuegu.
|
Zabal dezagun bada, lau haizetara, 2025eko maiatzean izango dela Euskaraldia!
|
|
|
|